Մարս մոլորորակը

   Այսօր մի փոքր կպատմեմ Մարս մոլորակի մասին: Այս մոլորակը իր անվանումը ստացել է հին հռոմեացիների պատերազմի Աստված Մարսի անունից:  Երբեմն անվանում են նաև «կարմիր մոլորակ»՝ մակերևույթի կարմրավուն երանգի պատճառով, որը ստացվում է երկաթի օքսիդի պատճառով: Մարս մոլորակի հայկական անվանումը Հրատն է:

   Արեգակի շուրջ այն մեկ լրիվ պտույտ է կատարում 687 երկրային օրում: Մարսի վրա օրն ընդամենը 37 րոպեով է երկար երկրայինից: 
   Մարսը ունի երկու բնական արբանյակ՝ «Ֆոբոսը» և «Դեյմոսը» (հին հունարենից թագմանաբար նշանակում են, համապատասխանաբար՝ «վախ» և «սարսափ»):

Երկնքի ադամանդները

  Երևի բոլորս էլ սիրում ենք նայել անամպ երկնքում շողշողացող աստղերին,որոնք, ասես, ադամանդներ լինեն: Նրանք այնքան փոքր են լինում, որ նրանց հազիվ ես նկատում: Իրականում՝ աստղերից յուրաքանչյուրը մի հսկայական գազային գունդ է, որն ինքնալուսարձակվում է: 

   Մութ գիշերին ամբողջ երկնքում անզեն աչքը տեսնում է մոտ 6 հազար աստղ: Միևնույն ժամանակ փոքր աստղադիտակով կարելի է հաշվել միլիոնավոր աստղեր: Աստղերին նայելուց թվում է, թե նրանք անշարժ իրենց տեղում կագնած են, բայց իրականում այդպես չէ: Աստղեր շարժվում եմ շատ մեծ արագություններով, սակայն նրանք մեզանից այնքան հեռու են, որ այդ արագությունները անզեն աչքը չի նկատում:

Մեր տունը Տիեզերքում

    Հաճախ կարելի է լսել Արեգակնային համակարգ արտահայտությունը, բայց  մեզանից ոմանք չգիտեն էլ, թե ինչ է այն:

    Ուրեմն այսպես՝ Արեգակը և նրա շուրջ պտտվող երկնային մարմինները կազմում են մի ընտանիք, որն ընդունված է կոչել Արեգակնային համակարգ: 

    Արեգակը մի շիկացած, հսկայական գունդ է, սակայն Երկիր մոլորակից դիտողին թվում է, թե Արեգակը երկնքում փոքրիկ շլացուցիչ սկավառակ է, և դա միայն այն պատճառով, որ մենք նրանից հեռու ենք մոտ 150 մլն. կմ: