Այն, որ Արեգակը գտնվում է Արեգակնային համակարգի կենտրոնում, երևի, բոլորս էլ գիտենք, բայց այն, որ Արեգակը աստղ է, քչերիս է հայտնի: Արեգակը, նույն ինքը՝
Արևը, Երկիր մոլորակից անզեն աչքով երևացող միայն 6000 աստղերից մեկն է:
Արեգակը մի շիկացած, հսկայական գունդ է, սակայն Երկիր մոլորակից դիտողին թվում է, թե Արեգակը երկնքում փոքրիկ շլացուցիչ սկավառակ է, և դա միայն այն պատճառով, որ մենք նրանից հեռու ենք մոտ 150 մլն. կմ: Արեգակի տրամգիծը մոտ 109 անգամ մեծ է Երկիր մոլորակի տրամագծից, իսկ Արեգակը կազմող նյութից՝ ջրածնից ու հելիումից, կարելի է պատրաստել
շուրջ 330 հազար հատ այնպիսի երկրագունդ, ինչպիսին մերն է:
Արեգակի ջերմաստիճանը բավականին բարձր է՝ 6000 աստիճան, ինչի պատճառով տեղի է ունենում
արեգակնային նյութի փոփոխություններ. ջրածին «այրվելով» աստիճանաբար վերածվում է հելիումի: Պարզվում է՝ արեգակնային նյութը փոխակերպվում է
լույսի և ջերմության, ինչի շնորհիվ էլ Երկրի վրա կյանք գոյություն ունի:
Արեգակը լույս է տալիս, այդ իսկ պատճառով անընդհատ նվազեցնում է իր
զանգվածը: Սակայն Արեգակն այնքան ահռելի է, որ այդքան լույս ծախսելով, ու զանգվածը նվազեցնելով, այն դեռ պատրաստ է լուսավորել ավելի քան միլիարդավոր տարիներ:
Ամենակարևորը՝ պետք է հիշել, որ Արեգակը մեր մոլորակի վրա կյանքի գոյության աղբյուրն է:
No comments:
Post a Comment